Sládjogiettes fabrihkaguolbbáj – 90 jahke semænttadumájn.

Muddo l dal sihkastit ierit dumáv oabme semænntahiståvårs. Dát la subtsas industriavuododimes tjoahkkebájken , gåktu dát tjoahkkebájkke stuoráp sadjen maŋŋenagi sjattaj, ja majt dát industrija vájkkudij ålles suohkanij, sámijda ja láttijda. Dán jagen 2008, le 90 jahke dat rájes gå dat álgij.
Dát subtsas luluj liehket vájk gåsstå Nuortta-Vuonan, ja vájk gåsstå ålles Vuonan, valla dán subttsasa histåvrrålasj vuodo le Gásluovtas Divasvuonan. Viehka ållo dát histåvrås le dagu viettjadum njuolgga Knut Hamsuna girjijs Segelfossa birra (”Børn av tiden”, 1913, ja ”Segelfoss by”, 1915), ma giehttu tjoahkkebájke birra mij stuoroj ja sjattaj unnes stádan. Árvvádaláduvvá jus Hamsun la arvusmahtedum jur Gásluovtas juska vil Gásluokta industrijav oattjoj esski 1918. Dan jage vuododij Nordland Portland Semænttafabrihkka (NPC) fabrihkav dasi – ja ájgge de rievdaj…
Jårggålime sámegiellaj: Sigmund Johnsen